شنطة رمضان ... بداية فعاليات شباب برمبال فى رمضان

أدمـــــــــــــن · تاريخ ميلادى: 10/06/1990

[ندعوك للتسجيل في المنتدى أو التعريف بنفسك لمعاينة هذه الصورة]

قال تعالى ( لَن تَنَالُوا البِرَّ حَتَّى تُنفِقُوا مِمَّا تُحِبُّونَ وَمَا تُنفِقُوا مِن شَيْءٍ فَإِنَّ اللَّهَ بِهِ عَلِيمٌ (92) ( آل عمران92 )

قال رسول الله صلى الله عليه وسلم: " من فطر صائما كان له مثل أجره ـ غير أنه لا ينقص من أجر الصائم شيئا "

ويقول أيضا
" من فطر صائما في شهر رمضان من كسب حلال صلت عليه الملائكة ليالي رمضان كلها، وصافحه جبريل ليلة القدر، ومن صافحه جبريل عليه السلام يرق قلبه وتكثر دموعه"

ويقول أيضا
" أحبُّ الأعمال إلى الله ثلاثة : إشباع جوعة المسلم، وقضاء دينه، وتنفيس كربته "
صدق رسول الله صلى الله عليه و سلم

[ندعوك للتسجيل في المنتدى أو التعريف بنفسك لمعاينة هذه الصورة]

فى الوقت اللى أنت بتفكر تجيب فية مستلزمات رمضان الضرورية والغير ضرورية فية ناس تانية كتير بتفكر هتفطر اية وإزاى فى رمضان

طلبات البيت بتكون مكفية البيت ونفضل نقول متجيبلنا .... و ..... كل دى حاجات زيادة عن الحاجة وفى الجهة المقابلة تلاقى ناس مش لاقية حاجة تاكلها

طيب وأنا أعمل اية؟
أنت فى ايدك حاجات كتير تعملها ومنها
ممكن تطلع صدقة للمحتاجين عن طريق الشنطة الرمضانية

يعنى إية الشنطة الرمضانية؟
عبارة عن شنطة مكونة من مستلزمات رمضانية
(فرخة , ارز , مكرونة , سمنه , تمر , زيت , سكر ) قابلة للزيادة

أنا دورى إية فى الموضوع دة؟
دورك كبير جدا وهو أنك تساعد إخوانك الغير قادرين على شراء مستلزمات رمضان

إزاى هساعدهم؟
هتساعدهم بالمال أو المستلزمات أو التوزيع

أنا مش هقدر أساعد بالفلوس أعمل اية؟
تقدر تساعد بشراء وتوزيع الشنط على المحتاجين

أنا اشتريت حاجات زايدة عن الحاجة ومش معايا فلوس أعمل إية؟
سهلة جدا حضرتك هتتكرم وتضع الزائد عن حاجتك فى شنطة وتديها للمحتاجين

أنا اشتريت مستلزمات رمضان ووضعتها فى شنطة أوصلها للمحتاجين إزاى؟
عند إعداد الشنطة الرمضانية يتم توزيعها على المحتاجين من خلال قائمة
بأسماء من يحتاجون فعلا هذة الأشياء وإذا أردت أن تسلم شنطتك لهم مباشرة فما عليك
الا مراستنا من خلال هذا الموضوع أو على الخاص ليتم التنسيق والذهاب معك

إزاى هتبرع للشنطة الرمضانية؟
توصيل المبلغ أو المستلزمات يدا بيد الى شخص موثوق بة فى الادارة

ولقطع أى شك من مرسلين الأموال عليك أخى المرسل
أن تتأكد بشراء مستلزمات الشنطة عن طريق النزول معنا عند الشراء
أو استلام نسخة من ايصال الدفع وصور توزيع الشنط لتتأكد أن وصول تبرعك للمستحقين

[ندعوك للتسجيل في المنتدى أو التعريف بنفسك لمعاينة هذه الصورة]

اقتباس:

كيفية الاتصال
بإرسال رسالة خاصة [ندعوك للتسجيل في المنتدى أو التعريف بنفسك لمعاينة هذا الرابط]
او بإرسال رسالة اتصل بنا[ندعوك للتسجيل في المنتدى أو التعريف بنفسك لمعاينة هذا الرابط]
أو كتابة ما يناسبة فى الموضوع [ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذه الصورة]

عدل سابقا من قبل βeŔMβaĿ$ ღ ậĐ₥iή في الخميس يوليو 29, 2010 8:48 pm عدل 2 مرات

تاريخ ميلادى: 03/02/1989

بجد يااسلام مشكور على المجهود الجامد دة

وفعلا ناس كتير محتاجة...فى رمضان وغير رمضان

وربنا يوفق الكل...والكل يساعد بعضة

برافوا عليك يا اسلام خطوه جميله ويلا نتحرك كلنا يا شباب ونبدأ وانا هبدأ واقولك طريقة ارسال التبرعات هتكون عن طريق مين واسم الشخص المرشح لتنسيق وادارة هذا المشروع الجميل
ويارب نتكاتف ونتشارك كلنا فى العمل الجميل ده عاوزين المنتدى يبقى له دور بارز فى البلد يا شباب
وده موش هيحصل الا بتكاتفنا مع بعض

يابوتسنيم
اللى عايز يبعت او يشارك فى حاجه
يبعت رساله خاصه اما لابو خالد
اول للادمن او ليا
على حسب ماتحب او للناس اللى فى الخارج
ممكن انها تبعت لاهاليها فى البلد الفلوس
وهما يوصلوا الحجات دى
وهيكون معانا حد من اهاليكم
واحنا بنشترى
والافضل ان اللى عايز يتبرع
ممكن انه يشترى الحجات السكر والزيت وخلافه
ويجبها
افضل
الناس اللى كانت بتقول المنتدى ملوش دور ليه
ده اختبار حقيقى ليهم

الله ينور عليك ياسلام هو دة الشغل ولا بلاش

والله دى فكرة جميلة ويارب يوفقك

وفعلا فية ناس كتير محتاجة ولابد للتحرك تجاه هذا الناس

وانا انشاء الله هكون معاكم

وبالتوفيق انشاء الله

تاريخ ميلادى: 03/03/1990

بسم الله الرحمن الرحيم

جزاك الله كل خير يا اسلام على المجهود الرائع المبزول فى كافة ارجاء المنتدى

وان شاء الله دى تكون خطوه جديده وكبيره للمنتدى وكل المشاركين فيه

وزى ما قال ابو تسنيم لازم كلنا نتكاتف مع بعض علشان نقوم بدور كويس وفعال

بس احنا عايزين الناس الى تدخل هنا فى الموضوع ميقولش

الموضوع حلو او الموضوع مهم

والكلام ده

عايزين فعل

يعنى الى يدخل يقول احنا نعمل كذا

وياريت الى عنده فكره تانيه يتقدم بها للإداره

وياااااااارب يتقبل منا الصيام والقيام ان شاء الله

احمد السعيد كتب:

يابوتسنيم
اللى عايز يبعت او يشارك فى حاجه
يبعت رساله خاصه اما لابو خالد
اول للادمن او ليا
على حسب ماتحب او للناس اللى فى الخارج
ممكن انها تبعت لاهاليها فى البلد الفلوس
وهما يوصلوا الحجات دى
وهيكون معانا حد من اهاليكم
واحنا بنشترى
والافضل ان اللى عايز يتبرع
ممكن انه يشترى الحجات السكر والزيت وخلافه
ويجبها
افضل
الناس اللى كانت بتقول المنتدى ملوش دور ليه
ده اختبار حقيقى ليهم

تسلم يا ابو حميد خير ان شاء الله

أدمـــــــــــــن · تاريخ ميلادى: 10/06/1990

سعدجنيدى كتب:

بجد يااسلام مشكور على المجهود الجامد دة
وفعلا ناس كتير محتاجة...فى رمضان وغير رمضان
وربنا يوفق الكل...والكل يساعد بعضة

فعلا ناس محتاجة ...بس هنساعدهم ازاى
دى الناس بتقولها كتير واحنا حطناهم على اول الطريق
واللى عاوز يساعد يساعد لما نشوف مين اللى هيساعد
مع اننا عارفين اللى هيحصل بس عملنا اللى علينا والباقى عليكم

[ندعوك للتسجيل في المنتدى أو التعريف بنفسك لمعاينة هذه الصورة]

أدمـــــــــــــن · تاريخ ميلادى: 10/06/1990

ابو تسنيم كتب:

برافوا عليك يا اسلام خطوه جميله ويلا نتحرك كلنا يا شباب ونبدأ وانا هبدأ واقولك طريقة ارسال التبرعات هتكون عن طريق مين واسم الشخص المرشح لتنسيق وادارة هذا المشروع الجميل
ويارب نتكاتف ونتشارك كلنا فى العمل الجميل ده عاوزين المنتدى يبقى له دور بارز فى البلد يا شباب
وده موش هيحصل الا بتكاتفنا مع بعض

ياباشا اللى عاوز يتبرع فعلا يكتب هنا فى الموضوع
ولو مش عاوز يعرف نفسة يبعت رسالة خاصة او خدمة اتصل بنا [ندعوك للتسجيل في المنتدى أو التعريف بنفسك لمعاينة هذا الرابط]
ونخبة من شيوخ برمبال هيا اللى هتشرف على شراء وتوزيع المستلزمات
وادارة المنتدى هتبقى معاهم خطوة بخطوة ..

[ندعوك للتسجيل في المنتدى أو التعريف بنفسك لمعاينة هذه الصورة]

أدمـــــــــــــن · تاريخ ميلادى: 10/06/1990

السيد ابو اليسر كتب:

الله ينور عليك ياسلام هو دة الشغل ولا بلاش
والله دى فكرة جميلة ويارب يوفقك
وفعلا فية ناس كتير محتاجة ولابد للتحرك تجاه هذا الناس
وانا انشاء الله هكون معاكم
وبالتوفيق انشاء الله

انت عارف ازاى هتقدر توصلنا يا سيد
وجزاك الله خيرا وياريت الناس تعمل زيك

[ندعوك للتسجيل في المنتدى أو التعريف بنفسك لمعاينة هذه الصورة]