يا جماعة اية رأيكم نعمل حاجة زى القاعدة اللى بنقعدها مع اصحابنا فى النادى او حتى فى البيت
واللى عندة حكاية عن رمضان يحكيها
ونشوف نوادر بعض فى رمضان
وانا عن نفسى هبدأ
رمضان اللى فات كنا رايحين نلعب كورة فى النادى
وقبل اما نروح حبينا نسخن شوية ونجرى على البحر الجديد
واحنا بنجرى لقينا طوب بيتلقلق وفية حد بيحدفنا بية
احنا خوفنا نبص ففضلنا نجرى جامد اكتر من الاول
كنا مرعوبين والطوب بردة مبطلش
فواحد صا حبنا قال يمكن عروسة البحر الجديد
سألناة عروسة مين يا اخويا
فحكلنا ان كان فية جنية طلعت بليل لواحد على الكبرى كان بيروح كل يوم فى نفس الميعاد
الارض بتاعتة فحبتة وظهرتلة وقالتلة تتجوزنى ولا اقتلك فوافق لانة كان خايف منها
ويوم الفرح مرحش فهيا من ساعتها مدايقة من اى واحد يروح هناك فى الميعاد دة
فالحمد لله الواد طمنا على الاخر وكل واحد قلع الشبشب بتاعة وطلع يجرى اسرف من الغزال
وبعد اما رجعنا وروحنا النادى وبنحكى للعيال فضلوا يضحكوا علينا
بس مش عشان الحكاية اللى قولنالهم عليها
فضلوا يضحكوا عشان هما اللى كانوا بيلقلقوا الطوب وهما اللى قالوا لصاحبنا انة يحكيلنا الحكاية دى
هههههههههههه
فبدل ما كنا هنلعب كورة قضناها ملاكمة هههههههههههه
موضوع: حكاوى رمضان وانا قاعد فى حارتنا 
الأربعاء أغسطس 18, 2010 1:13 am
