تذكير بمساهمة فاتح الموضوع :

 

حسين المالكى رحمة الله عليه اللى من الصوابر يعرفه كويس لأنه كان راجل طيب جدا وكان ينادى على كل واحد باسمه وأحيانا كان يدخل البيوت ويقف فى وسط البيت ويطبل وكان ييجى فى العشر الأواخر ويبدأ يقول ودعتنا ياشهرنا عاجلا . رحمة الله عليه

 

كان في منطقة حارتنا هو عم موسي الله يرحوه
كان راجل طيب كل الناس كانت بحبه كبير وصغير
كان احسن مسحراتي بنسبلي والله يرحم الجميع
بس انا منيش عارف من الوقي في حارة الطحنة
لو حد عارف يقولي وشكرا

 

 

الله يرحمه عم القرموطى كان لازم اطلع ابص عليه
هحكيلكوا قصه حصلت زمان
بابا جه فى يوم واخد اخويا الصغير ووقف عم القرموطى وخلى اخويا يطبل بالطبله بتاعته مهى مش زى اى طبله حتى لو منها الف واحده وبلاش دى بتاع المسحراتى واخويا بقى فرحان جدااا سالنا بابا ايه المغزى من كده فبابا قال (هتفضل الذكرى دى معاه وهيفتكرها كل رمضان) اما دلوقتى مراته ربنا يديها الصحه هيا اللى بتسحر بداله وبرده بطلع ابص عليها..... رمضان كريم

 

اَقْدم مسحراتي انا اعرفه , لكن لم اشاهده هو المرحوم الحاج / احمد الاشوح , ثم ورث ( الطبلة ) منه المرحوم الحاج / موسي العدوي .

ثم ورث ( الطبلة ) بعد ذلك حفيد الحاج / موسي و هو الاستاذ / محمد شرف.
اللي انا شوفتهم كان المرحوم الحاج / موسي و حفيده / محمد ..

كان عمي موسي الله يرحمه بيلبس جلابية و طاقية ( كان لبسه عادي زي اي يوم ) و كان بيلف بالليل تقريبا من بعد 1:30 ليلا الي 3:30 تقريبا.

لم يكن له اهازيج معينة , كان مقتصرا علي استخدام الطبلة فقط. و كذلك كان محمد حفيده يفعل ايضا.

لكن اعتقد ان المعني و الشكل التقليدي للمسحراتي قد اندثر تقريبا و لم يبق منهم الا ( الطبلة ).

 

اعتقد اقدم ( طبلة ) هي اللي موجودة مع / محمد شرف اللي بيسحر في حارة الطحنة. اعتقد ان عمرها يزيد علي 55 سنة.